Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4497 wan in ruowe nôt was.
        in hete der strît getân vil heiz:
        beide bluot unde sweiz
        hâte si berunnen gar.
        vrouwe Ênîte gienc ouch dar.
4502 diu hâte liep bî leide,
        als ich iu bescheide.
        nû was si ir mannes siges vrô:
        sîn wunden weinde si aber dô.
        nû ervurpte si diu guote
4507 von sweize und von bluote
        mit ir stûchen orte.
        nâch vriuntlîchem worte
        sâzen an der heide
        dise herren beide
4512 und kuolten sich durch gemach.
        der künec zuo dem gaste sprach:
        "vernemetz, herre, vür ein spil
        daz ich nû reden wil
        und lât ez iu niht wesen leit.
4517 mich betwanc iuwer manheit
[ zurück ]