einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8427 und vester dan der adamas,von dem man selhe kraft seit: unde würde der geleit zwischen zwein bergen stehelîn - wie möhtez wunder grœzer sîn -, 8432 die zemüele er kleine ê man ez dem steine iender möhte erkiesen an. dannoch hâte dirre man ze knehtheit stæteren muot 8437 dâ von daz einer slahte bluot disen stein geweichen mac: sône kunde âne des tôdes slac niht sînen muot betwingen noch ûf zageheit bringen. 8442 der rede begunde er lachen. er sprach: "von welhen sachen ich niht vrâgen getar, die sint ouch ze griulîch gar. daz ich dar nâch gevrâget hân, 8447 dazn hân ich niht dar ûf getân |