einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich442 daz müese ein selhiu sache wesen die in der werlte nieman mit nihte gewinnen kan. Mir wart anders niht gesaget, wan daz ich müese hân ein maget 447 diu vollen manbære und des willen wære, daz si den tôt durch mich lite und man si zem herzen snite, und mir wære niht anders guot 452 wan von ir herzen daz bluot. nû ist genuoc unmügelich daz ir deheiniu durch mich gerne lîde den tôt. des muoz ich schäntlîche nôt 457 tragen unz an mîn ende. daz mirz got schiere sende!< Daz er dem vater hete gesaget, daz erhôrte diu reine maget; wan ez hete diu vil süeze 462 ir lieben herren vüeze |