einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6052 daz alsô gar ze prîse stâtvür manegen rîter iuwer lîp, sô êret got und diu wîp: sô sît ir hövesch unde wîs. nû geruochet iuwern prîs6057 an iu beiden mêren, den iuwern an den êren und den ir an dem guote. swes iu nû sî ze muote des bewîset mich bî gote.'6062 er sprach 'dâne hât sich der bote niht versûmet umb ein hâr. der alte spruch der ist wâr: swer guoten boten sendet, sînen vrumen er endet.6067 ich kiuse bî dem boten wol wie man die vrouwen weren sol. ich tuon vil gerne swes sî gert, sô verre mich der lîp gewert. nû rîtet vür und wîset mich:6072 swar ir mich wîset, dar var ich.' |