Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8890 des trûrte sîn geselleschaft.
        nû bewar eht in diu gotes kraft,
        daz im der lîp belîbe:
        des helfet sînem wîbe
        durch got biten alle,
8895 daz im der sige gevalle.
        hin reit der künec Êrec
        eine den grasigen wec
        wol drîer rosseloufe lanc
        durch bluomen und durch vogelsanc
8900 in jenen boumgarten vort.
        nû sach er vor im dort
        eine pavelûne stân,
        rîch unde wol getân,
        beide hôch unde wît,
8905 zweier slahte samît,
        von strichen swarz unde wîz
        und gemâl en allen vlîz.
        dâ stuonden entworfen an
        beidiu wîp unde man,
8910 und die vogele sam si vlügen,
[ zurück ]