Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1218 den ich dâ meine daz bin ich.
        wider iuch vergâhete ich mich:
        des entwanc mich dehein nôt,
        wan daz mirz mîn schalcheit gebôt.
        des sol ich iu ze buoze stân:
1223 wan ich dar an gevolget hân
        tumbes herzen râte.
        nû riuwetz mich ze spâte.
        jâ warne ich mich ze unzît
        sam der hase sô er in dem netze lît:
1228 des ist mîn riuwe worden breit.
        ez ist eht als man dâ seit,
        daz unrehter hôchmuot
        dem manne lîhte schaden tuot.
        des hân ich mich enstanden
1233 nâch grôzen mînen schanden
        und bin es an ein ende komen:
        wan er hât mir nâch benomen
        zuo den êren daz leben.
        ich wil mich schuldic ergeben:
1238 iu ist von mir geschehen leit.
[ zurück ]