Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2018 geriten wâren si vil wol,
        als ich iu sagen sol,
        ir pherit blanc snêwîz.
        an in was aller der vlîz
        der rîchen alten wol gezam:
2023 ir gereite guot alsam,
        von guotem golde was sîn schîn.
        daz daz gesmîde solde sîn,
        daz was von silber durchslagen,
        mit liehtem golde übertragen,
2028 ir darmgürtel borten breit.
        dô disiu schar reit
        ze Britanje in daz lant,
        ir iegelîchem ûf der hant
        ein schœner habech saz,
2033 sehs mûze oder baz.
        dô was guot kurzwîle
        des weges drî mîle.
        si vunden guote beize dâ:
        beide bach unde lâ
2038 lâgen antvogele vol.
[ zurück ]