einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8855 ouch ist mir daz vür wâr geseit,got sî als guot als er ie was. hei wie dicke er noch genas dem er genædic wolde wesen! wil er, sô trûwe ich wol genesen. 8860 iuwer weinen ist mir swære: und westet ir wie mir wære, sô endörftet ir niht sô sêre klagen, wan ich wil iu zewâre sagen, hæte ich aller manheit 8865 niender eines hâres breit, wan der die ich von iu hân, mir enmöhte nimmer missegân. swenne mich der muot iuwer ermant, sôst sigesælic mîn hant 8870 wan iuwer guote minne die sterkent mîne sinne, daz mir den vil langen tac niht widere gewesen mac." hie muoste er sich scheiden 8875 von sînen gesellen beiden |