Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1104 dêswâr er enmöhte baz,
        wande erz ze gewinne kêrte
        unz er imz wol gemêrte.
         Der arme vischære niht enliez
        er entæte als in sîn herre hiez.
1109 dô im der mitte tac kam,
        daz kint er an den arm nam:
        sîn wîp gie im allez mite
        nâch gebiurlîchem site
        ze klôster, dâ er den abbet sach
1114 under sînen bruodern. er sprach:
        'herre, iu sendet diz kint,
        liute die iu willic sint,
        mîns bruoder tohter und ir man,
        und geloubent starke dar an,
1119 ob ir ez selbe toufet,
        dem kinde sî gekoufet
        dâ mite ein sæligez leben,
        und geruochet im iuwern namen geben.'
         Diu bete was der münche spot.
1124 si sprâchen: 'seht (sô helfe iu got)
[ zurück ]