einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius501 Diu vrouwe wart des râtes vrô.ir vreude schuof sich alsô, als ez ir dô was gewant: ir enwas kein ganziu vreude erkant. daz ir trûren wære506 dô si was âne swære, daz was ir bestiu vreude hie: daz si niuwan ir weinen lie. der rât behagete ir harte wol, si sprach: 'der uns dâ râten sol,511 bruoder, den besende enzît, wan mîn tac unverre lît.' Nû wart er schiere besant: der bote brâhte in zehant. nû wart er schône emphangen.516 besunder wart gegangen in eine kemenâten, dâ si in râtes bâten. alsus sprach der jungelinc: 'ich hân dich umbe swachiu dinc521 niht dâ her besant. |