Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1592 daz ist des ich ie gerte.
        mînen gedanken wart nie baz
        dan sô ich ze orse gesaz
        und den schilt ze halse genam
        und daz sper als ez gezam
1597 und daz undern arm gesluoc
        und mich daz ors von sprunge truoc.
        sô liez ich die schenkel vliegen:
        die kunde ich sô gebiegen
        daz ich daz ors mit sporn sluoc
1602 weder zen lanken noch in den buoc,
        dâ hinder eines vingers breit
        dâ der surzengel ist geleit.
        neben der mane vlugen diu bein,
        ob des sateles ich schein
1607 als ich wære gemâlet dar,
        ders möhte hân genomen war.
        mit guoter gehabe ich reit
        âne des lîbes arbeit:
        ich gap im sô senften gelimph
1612 als ez wære mîn schimph,
[ zurück ]