Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3465 haben gezalt durch sîne hût.
        swie sêre der gotes trût
        an dem lîbe wære
        verwandelt von der swære,
        nû was der heilige geist
3470 dar an gewesen sîn volleist
        alsô ganzlichen
        daz im niht was entwichen,
        er enhæte sîn alten
        kunst unz her behalten
3475 von worten und von buochen.
        die in dâ vuoren suochen,
        als in die hâten gesehen,
        als ich iu nû hân verjehen,
        des lîbes alsô armen,
3480 do begunde er in erbarmen
        sô sêre daz der ougen vlôz
        regens wîs ir wât begôz.
        si beswuoren in bî gote
        und bî sînem gebote
3485 daz er si wizzen lieze
[ zurück ]