Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4778 er sprach: "ich wil ez gote klagen
        daz ich mîn laster muoz sagen.
        nû sage ich iu wer ich bin.
        mîn name lûtet Keiin.
        ouch geruochet mîn der künec Artûs
4783 ze truhsæzen in sînem hûs.
        sîner swestersüne ein,
        der edel ritter Gâwein,
        diz ros er mir lêch:
        mirst leit daz er mirs niht verzêch,
4788 wan sô wære mir schande buoz
        die ich nû dulden muoz.
        dô mîn herre hiute enbeiz
        - den tiuvel ich mir selben weiz
        daz ich mir niht sanfte kunde leben,
4793 nâch laster begunde ich streben:
        des hân ich gewunnen teil -,
        dô riet mir mîn unheil
        daz ich mir sîn ros lîhen bat.
        dô lêch er mir ez an der stat.
4798 hete er dô des niht getân,
[ zurück ]