einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3632 ich gap iu schelten vür daz brôt,ich schancte iu ze vlîze mit manigem itewîze. sus behielt ich iuch ennaht mit unwirde und mit grôzem braht.3637 alsus bin ich worden alt daz ich der sünde nie engalt. ez ist der sêle noch gespart: ichn genieze danne dirre vart die ich her mit triuwen hân getân,3642 sô sol ichs vol ze buoze stân. darnâch volgte ich iuwer bete, wan daz ichz in hônschaft tete: ich brâhte iuch ûf disen stein. alsus beslôz ich iuwer bein3647 und warf den slüzzel in den sê. ichn gedâhte an iuch niemer mê unz gester mîn sündigiu hant den slüzzel in einem vische vant. daz sâhen die herren wol,3652 ob ichz mit in erziugen sol.' |