Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3655 mit im ir phäflîchiu kleit;
        und als er an wart geleit,
        dô vuorten si mit in dan
        disen sündelôsen man
        ab dem wilden steine.
3660 nû was vil harte kleine
        sînes armen lîbes maht.
        nû beliben si die naht
        mit dem vischære.
        des jâmer was vil swære:
3665 er suochte buoze unde rât
        umbe die grôzen missetât
        die er vor an im begie,
        do er in sô hœnlîche emphie.
        nû wuosch diu grôze triuwe
3670 und diu ganze riuwe
        und der ougen ünde
        den vlecken sîner sünde,
        daz im diu sêle genas.
         Dannoch dô Grêgôrius was
3675 in der sünden gewalt,
[ zurück ]