einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage406 vil gerne ich dich bætedaz dû ez durch got verkürest und uns beide niht verlürest; wan ez dir schaden beginnet swenne dir mîn zerinnet.411 wer sol den strît nû scheiden under uns beiden? wan du tuo ez durch gotes êre, und rich dich niht ze sêre. habe ich dir iht getân,416 des lâ mich dir ze buoze stân und rihte selbe über mich; sô êrest dû ouch dich. Dû maht mich gerne enpfâhen. lâ dir niht versmâhen421 mîn dienest und mîn friuntschaft, und twinc mich mit selher kraft und ze selhen dingen diu ich müge volbringen; sô diene ich dir als ich sol426 und kumt uns beiden ouch wol. |