Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

303 dar nâch was vil unlanc
      unz daz dort her vür spranc
      des wirtes samenunge,
      schœne unde junge
      junkherren unde knehte,
308 gecleidet nâch ir rehte:
      die hiezen mich willekomen sîn.
      mînes rosses unde mîn
      wart vil guot war genomen.
      und vil schiere sach ich komen,
313 dô ich in die burc gienc,
      ein juncvrouwen diu mich enpfienc:
      ich gihe noch als ich dô jach,
      daz ich nie schœner kint gesach.
      diu entwâfente mich.
318 und einen schaden clage ich
      (des enwunder niemen),
      daz der wâfenriemen
      alsô rehte lützel ist,
      daz sî niht langer vrist
323 mit mir solde umbe gân.
[ zurück ]