Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

247 ich sag iu deste gerner vil,
      ob manz ze rehte merken wil.
      man verliuset michel sagen,
      man enwellez merken unde dagen.
      maneger biutet diu ôren dar:
252 ern nemes ouch mit dem herzen war,
      sone wirt im niht wan der dôz,
      und ist der schade alze grôz:
      wan si verliesent beide ir arbeit,
      der dâ hœret und der dâ seit.
257 ir muget mir deste gerner dagen:
      ichn wil iu keine lüge sagen.
       Ez geschach mir, dâ von ist ez wâr,
      (es sint nû wol zehen jâr)
      daz ich nâch âventiure reit,
262 gewâfent nâch gewonheit,
      ze Breziljân in den walt.
      dâ wârn die wege manecvalt:
      dô kêrt ich nâch der zeswen hant
      ûf einen stîc den ich dâ vant.
267 der wart vil rûch und enge:
[ zurück ]