einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage757 ûf dehein êre,und hât doch heiles mêre dan einer der die sinne hât und dem sîn muot gar ze tugenden stât. dem hât daz got enteil getân.762 den suln wir ungenîdet lân, wan swaz dem liebe geschiht, ob er des iemer giht ez kome von sîner frümekeit, daz sî im gar widerseit;767 er ensage im selben niemer des danc. ich erteile im freude die sint kranc. Swem ez anders niht gefüeget, - des manigen doch genüeget - wan friundes helfe und sîn guot,772 wil er dâ von sîn wol gemuot, des gan ich im vil sêre, wan ez ist ein betrogen êre und ein kintlîcher wân. als ich nû gesprochen hân,777 sô kan ich dir bescheiden wol |