einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage908 wir sîn niht rehte zesamen geweten,wan wir ziehen niht gelîche. man solde uns wærlîche von ein ander scheiden; daz kæme uns rehte beiden.913 Stüende der gewalt an mir diu dinc ze verenden als an dir, des er leider niht entuot - ich enhân gewaltes niht wan muot und den frîen gedanc -,918 dû müesest under dînen danc nâch gelobtem worte leben. nu enist mir leider niht gegeben des gewaltes mêre - daz schadet uns beiden sêre -923 wan daz ich der râtgebe dîn ze allen dingen solde sîn. nu enbist dû mir niht gehôrsam. ich weiz wol daz ich nie vernam deheines mannes missetât928 sô verre über sînes herzen rât. |