Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2086 nû vernemet waz ir mêre sî.
        der getwerge künec Bîlêî
        und sîn bruoder Brîans genant:
        Antipodes hiez ir lant.
        ez enwurden einer muoter kint,
2091 die bruoder geheizen sint,
        nie ungelîcher danne sî,
        Brîans und Bîlêî.
        uns saget daz wâre mære
        daz Brîans langer wære
2096 dan iemen bî sînen zîten
        in allen landen wîten
        anderhalbe spanne:
        sô saget man uns danne
        daz dehein getwerc enwære noch sî
2101 kurzer danne Bîlêî.
        swes im an wahsenne gebrast,
        daz hete der wênige gast
        vol an dem muote.
        ouch envant man an dem guote
2106 niht vil sîner ebenrîchen.
[ zurück ]