einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3419 und hæte ich gebiten iht,herre, sô wæret ir erslagen. nû wil ich immer gerne dagen. nû vergebet mir diz durch got: zebriche ich mêr iuwer gebot, 3424 daz rechet dâ zestunt." Êrec sprach: "vrouwe, ich tuon iu kunt, ir gewinnet an iuwerm strîte niuwan übele zîte: ir belîbet râche niht vrî. 3429 swies danne iu gedâht sî, sô muoz ez iu ergân. ich wil iuch ze knehte hân die wîle wir sîn ûf disem wege. nû nemet diu ros in iuwer phlege 3434 und bewart si alsô schône daz ich iu mit übele iht lône: und wirt ir einez verlorn, ir müezet dulden den zorn des ir gerne enbæret, 3439 ob ir wîse wæret." |