Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7759 reht unde billich
        daz er mit vollem mære
        harte schœner wære
        dan dehein ander gereite,
        wan er mit wârheite
7764 dem schœnisten wîbe wart gegeben
        diu in den jâren mohte leben,
        der edeln vrouwen Ênîten.
        nû ist zît daz si rîten,
        wan in sint diu ros komen.
7769 hânt si danne urloup genomen
        von dem ingesinde?
        jâ, von kinde ze kinde
        und von des küneges swestern.
        man ensolde nie willen vestern
7774 vor noch sît beschouwen
        an deheinen andern vrouwen
        ze aller slahte guote.
        zuht was in ir huote.
        die vrouwen hânt ez alsô brâht
7779 daz ir von rehte wirt gedâht
[ zurück ]