einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8481 sine suochten âventiure.ich sage iu, swelh ritter guot her kumt ûf den selben muot, der suoche wan die porte: bî dem êrsten worte 8486 sô vindet er si offen stân. er mac drin rîten oder gân: die andern belîbent hie vor. sô besliuzet sich daz tor: diu rede muoz sich scheiden 8491 danne under in beiden, wan swaz ir dewederm geschiht, sine hânt eht scheidæres niht. ichn weiz wie ez nû ergê: wol ein halp jâr oder mê 8496 ist des daz im niemen kam, sît daz er den lîp benam rittern die ich genennen kan. er sluoc benamen hie drî man sô man si beste erkande 8501 in deheinem lande. |