Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1174 zuo gesetzet wâren,
        mit kunst ez diu sô schiere ervuor
        daz der meister selbe swuor,
        er gesæhe von aller hande tugent
        nie sô sinnerîche jugent.
1179 er was (dâ enliuge ich iu niht an)
        der jâre ein kint, der witze ein man.
         An sîm einleften jâre
        dô enwas zewâre
        dehein bezzer grammaticus
1184 danne daz kint Grêgôrius.
        dar nâch in den jâren drin
        dô gebezzerte sich sîn sin
        alsô daz im dîvînitas
        gar durchliuhtet was:
1189 diu kunst ist von der goteheit.
        swaz im vür wart geleit
        daz lîp und sêle vrumende ist,
        des ergreif er ie den houbetlist.
        dar nâch las er von lêgibus
1194 und daz kint wart alsus
[ zurück ]