Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1693 daz ich heize ein arm man,
        dâ bin ich unschuldic an.
        ich trage si alle samet hie,
        die huobe die mir mîn vater lie.
        sît ez mir nû sô geziuhet
1698 daz mich diu Sælde vliuhet
        und ich niuwan ir gruoz
        mit vrümikeit gedienen muoz,
        dêswâr ich kan si wol erjagen,
        si enwelle sich mir mê versagen
1703 dan si sich noch ieman versagete
        der si ze rehte jagete.
        sus sol man si erloufen,
        mit kumber sælde koufen.
        dâ enzwîvel ich niht an,
1708 wirde ich ein rehte vrumer man
        an lîbe und an sinne,
        ichn gediene wol ir minne:
        unde bin ich aber ein zage,
        so enmüeze ich niemer drîe tage
1713 geleben, so ich hinnen kêre.
[ zurück ]