einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1711 unde bin ich aber ein zage,so enmüeze ich niemer drîe tage geleben, so ich hinnen kêre. waz solde ich âne êre? ob ich mit rehter arbeit,1716 mit sinne und mit manheit erwirbe guot und êre, des prîset man mich mêre dan dem sîn vater wunder lie und daz mit schanden zegie.1721 wes bedarf ich mê danne ich hân? mîn ors sint guot und wol getân, mîn knehte biderbe unde guot und hânt getriulîchen muot, sô bin ich ze harnasche wol:1726 swâ man guot bejagen sol, da getrûwe ich harte wol genesen. diz sol der rede ein ende wesen: herre, iuwern gnâden sî genigen und des mit hulden verzigen1731 daz ich iht langer hie bestê.' |