Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2022 doch versuochte erz dicke sêre.
         Nu erschamte sich Grêgôrius,
        daz in ein man alsus
        hete geleit ein michel her
        âne aller slahte wer.
2027 dô gedâhte er dicke dar an:
        'nû sihe ich dicke daz ein man
        der zabel sêre minnet,
        swenne er daz guot gewinnet
        daz er ûf zabel wâgen wil,
2032 vindet er danne ein glîchez spil,
        sô dunket er sich harte rîch:
        und istz joch ein teil ungelîch,
        er bestâtz ûf einen guoten val.
        nû hân ich eines spiles wal,
2037 bin eht ich sô wol gemuot
        daz ich mîn vil armez guot
        wâge wider sô rîche habe,
        daz ich iemer dar abe
        geêret und gerîchet bin,
2042 ob mir gevallet der gewin.
[ zurück ]