einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2344 dû hâst entriuwen missesehen.''vrouwe, leider ich enhân. dêswâr ich sach in hiute stân dâ in ein riuwe gevie diu mir an mîn herze gie.'2349 'Sich, jâ was ez ie dîn site unde hâst mir dâ mite gemachet manige swære: dun gesagetest nie guot mære. noch baz dû gedagetest2354 dan dû die lüge sagetest diu mir ze schaden gezüge.' 'vrouwe, diz ist niht ein lüge. jâ enist anders niht mîn klage wan daz ich iu sô wâr sage.'2359 'sich, sô meinestûz doch sô?' 'entriuwen jâ, er ist unvrô. ich wânde ir westetz michel baz. jâ vrouwe, waz mac wesen daz daz er vor iu sô gar verstilt,2364 wan er iuch anders niht enhilt? |