Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

833 nu begunde er siechen zehant
      (des twanc in der minne bant)
      und muose belîben sîner vart
      der er durch got enein wart.
      sîn jâmer wart sô vester
838 nâch sîner lieben swester
      daz er ze deheiner stunde
      sich getrœsten kunde.
      alsus dorrete im der lîp.
      swie si doch jehen daz diu wîp
843 sêrer minnen dan die man,
      des enist niht, daz schein dar an:
      wande sîn herzeleit
      daz im was vür gespreit,
      daz was dâ wider kleine,
848 niuwan diu minne eine
      diu im ein zil des tôdes was:
      der hete si vieriu und genas.
      sus ergreif in diu senede nôt
      und lac vor herzeriuwe tôt.
853 Diz mære wart ir kunt getân,
[ zurück ]