Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Heinrich

1077 daz dû dich bedenkes baz,
         und sage dir rehte umbe waz:
         ob dû den tôt lîden muost
         unde daz niht gerne tuost,
         sô ist dîn junger lîp tôt
1082 und vrumet uns leider niht ein brôt.
         Nu enhil mich dînes willen niht.
         ich sage dir wie dir geschiht:
         ich ziuhe dich ûz, sô stâstû blôz
         und wirt dîn schame harte grôz
1087 die dû von schulden danne hâst,
         sô dû nacket vor mir stâst.
         ich binde dir bein und arme.
         ob dich dîn lîp erbarme,
         so bedenke disen smerzen:
1092 ich snîde dich zem herzen
         und brichez lebende ûzer dir.
         vröuwelîn, nû sage mir
         wie dîn muot dar umbe stê.
         ezn geschach nie kinde alsô wê
1097 als dir von mir muoz geschehen.
[ zurück ]