einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1518 hin gie sî und liez in dâ.Swie im sîne sinne von der kraft der minne vil sêre wæren überladen, doch gedâht er an einen schaden,1523 daz er niht überwunde den spot den er vunde, sô er sînen gelingen mit deheinen schînlichen dingen ze hove erziugen möhte,1528 waz im danne töhte älliu sîn arbeit. er vorhte eine schalkheit: er weste wol daz Keiî in niemer gelieze vrî1533 vor spote und vor leide. dise sorgen beide die tâten im gelîche wê. vil schiere wart des einen mê: vrou Minne nam die obern hant,1538 daz sî in vienc unde bant. |