Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1741 und übele zît hinne traget.'
        er sprach 'daz sî iu widersaget:
        wan ichn gewan liebern tac nie.'
        'liebern tac? saget, herre, wie
        mac sich daz gevüegen?
1746 wan die iuch gerne slüegen,
        die seht ir hie umbe iuch gân:
        mac ein man danne hân
        guoten tac und senfte zît
        der ûf den lîp gevangen lît,
1751 ern wære danne des tôdes vrô?'
        er sprach 'mîn muot stât niender sô
        daz ich gerne wære tôt,
        und vreu mich doch in mîner nôt,
        und hân daz hiute getân
1756 und hân ouch noch ze vreuden wân.'
         Dô ez ir halbez wart gesaget,
        do erkande wol diu wîse maget
        daz er ir vrouwen meinde,
        als sî im sît bescheinde.
1761 sî sprach 'ir muget wol wesen vrô:
[ zurück ]