Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1974 mit unsiten si ir zuo sprach
        und hiez si enwec strîchen:
        sine woltes nämelîchen
        niemer mêre gesehen.
        sî sprach 'mir mac wol geschehen
1979 von mînen triuwen arbeit
        und doch nimmer dehein herzeleit,
        wan ich sî gerne lîden wil.
        zewâre ich bin gerner vil
        durch mîne triuwe vertriben
1984 dan mit untriuwen beliben.
        vrouwe, nû gân ich von iu hin:
        und sô ich hin vertriben bin,
        sô nemet durch got in iuwern muot
        waz iu sî nütze unde guot.
1989 daz ich iu ê gerâten hân,
        daz hân ich gar durch guot getân:
        und got vüege iu heil und êre,
        gesehe ich iuch niemer mêre.'
         Sus stuont sî ûf und gie dan
1994 zuo dem verborgen man.
[ zurück ]