einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3502 alsus enoucte sî sich nihtunz in diu salbe gar ergienc und er ze sinnen gevienc. Dô er sich ûf gerihte und sich selben ane blihte3507 und sich sô griulîchen sach, wider sich selben er dô sprach 'bistûz Îwein, ode wer? hân ich geslâfen unze her? wâfen, herre, wâfen!3512 sold ich dan iemer slâfen! wand mir hât mîn troum gegeben ein vil harte rîchez leben. ouwî waz ich êren pflac die wîl ich slâfende lac!3517 mir hât getroumet michel tugent: ich hete geburt unde jugent, ich was schœne unde rîch und disem lîbe vil unglîch, ich was hövesch unde wîs3522 und hân vil manegen herten prîs |