einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4887 nune mag ichs beidiu niht bestânund getar doch ir dewederz lân. nû gebe mir got guoten rât, der mich unz her geleitet hât, daz ich mich beidenthalp bewar4892 sô daz ich rehte gevar. ichn wil benamen die niht lân der ich mich ê geheizen hân und diu ir angest und ir leit niuwan von mînen schulden treit:4897 wan liez ich die danne, wie zæme daz guotem manne? doch wære diu eine maget dâ wider schiere verclaget, wider dem schaden der hie geschiht,4902 gieng ez mir an die triuwe niht. sô wære ouch dirre wirt wol wert, der ouch mîner helfe gert, und hern Gâweins swester und ir kint, diu mir ze herzen gânde sint4907 durch sî selben und durch in |