einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6149 got sol iuch darvor bewarn:ich weiz wol, sult ir volvarn, daz ez iu an den lîp gât. erwindet noch, daz ist mîn rât, unde rîtet vürbaz.'6154 er sprach 'mich hulfe lîhte daz, volget ich iuwerm râte: nû ist ez aber ze spâte. war möht ich nû gerîten? ich muoz des tages hie bîten.'6159 Sî sprach 'mües ich iuch danne sehen, leider des niht mac geschehen, her wider ûz kêren nâch iuwern êren, sô helf mir got, des vreut ich mich.'6164 alsus reit er vür sich, unz in der torwarte ersach. der winct im dar unde sprach 'wol her, rîter, wol her! wand ich iuch des zewâre gewer6169 daz man iuch hie vil gerne siht: |