Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

7160 daz ers an lobe niht engalt.
        sî muosen vaste gelten
        vür des tôdes schelten
        und vür die scheltære
        bœser geltære.
7165 si entlihen bêde ûz voller hant,
        und wart nâch gelte niht gesant:
        wand sî heten ûf daz velt
        beide brâht ir übergelt
        und vergulten an der stat
7170 mê und ê dan man sî bat.
        verlegeniu müezekheit
        ist gote und der werlte leit:
        dâne lât sich ouch nieman an
        niuwan ein verlegen man.
7175 Wer gerne lebet nâch êren,
        der sol vil starke kêren
        alle sîne sinne
        nâch etelîchem gewinne,
        dâ mit er sich wol bejage
7180 und ouch vertrîbe die tage.

[ zurück ]