Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7984 ê ich die grôzen minne
        ze rehte umb iuch verschulden müge
        als ez dem dieneste tüge
        den ir mir nû habt getân.'
        sî sprach 'die angest muget ir lân:
7989 ir gewinnet tage und daz guot,
        het ich gedienet den muot,
        daz mir gnâde wurde schîn
        und sweme ir gnædec woldet sîn.
        ichn hân niht baz wider iuch getân,
7994 irn welletz danne baz enpfân,
        dan der des andern guot entnimt,
        und swenne ez ze geltenne gezimt,
        daz er im geltes ist gereit.
        ir entlihet mir michel arbeit,
7999 dô ich wære verbrant,
        ob irz niht hætet erwant.
        vür mînen lîp was iuwer leben
        ûf die wâge gegeben:
        dô gâbet ir mir disen lîp.
8004 ez verdienten niemer tûsent wîp