Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1230 ich enweiz mit welhen sachen.
        „dû muost mit sinnen koufen heil.“
        des sinnes hân ich swachez teil.
        „des muoz dir sælde wesen gast.“
        ir gnâde mir noch ie gebrast.
1235 „dû enhâst ir niht gedienet baz.“
        wâ mite verschulde ich ouch ir haz?
        „lîp, daz schînet dir wol an.“
        herze, ez gelinget als bœsem man.
        „lîp, dû gevellest dir selbe wol.“
1240 niht baz dan ich ze rehte sol.
        „des einen hânt ez die tôren guot.“
        wes? „dâ dunkent sî sich selbe fruot.“
        herze, daz meinest dû an mich.
        „entriuwen, lîp, jâ ich.“
1245 wâ mite verschulde ich daz ze dir?
        „daz weiz ich wol.“ nû sage ez mir.
        „Mit unbescheidem muote.“
        den wandel ich gerne ze guote.
        „daz ist daz dich noch helfen sol.“
1250 kunde ich ez, ich tæte ez wol.
[ zurück ]