Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

388 - daz unsanfte ieman mac vertragen -
      und alle dîne friunt benomen,
      ez wær mich genuoc tiure anekomen;
      wan dû mir alle gnâde werest
      und mich alles des beherest
393 daz freude geheizen mac.
      nû muoz ich dulden dînen slac
      und leben mit selher swære
      daz mir bezzer wære
      mit êren genomen den tôt
398 dan als unendehaftiu nôt
      dâ dû mich, herze, in hâst brâht.
      durch waz hâst dû dirs erdâht
      daz dû mich alsô wellest twelen
      daz dû mich lebenden mügest quelen?
403 Möhte ich nû wizzen daz,
      wâ von ich dînen haz
      von êrste gearnet hæte,
      vil gerne ich dich bæte
      daz dû ez durch got verkürest
408 und uns beide niht verlürest;

[ zurück ]