einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2188 dem anderen nît truoc:man gap in allen genuoc. dâ enwart nieman geschant: man gap in allen zehant. emphâhens zeran in nie 2193 unz daz diu hôchzît zegie, unz an den vierzehenden tac. sus brûte Êrec fil de roi Lac. als diu brûtlouft nam ende, nû schiet mit rîcher hende 2198 vil vrœlîchen von dan manec wol sprechender spilman. die sprâchen alle mit gelîchem schalle wol den hôchzîten: 2203 Êrecke und vrouwen Ênîten wunschten si aller sælekeit. diu was in doch nû bereit lange unde manec jâr. ir wunsch wart volleclîche wâr, 2208 wan zwei gelieber wurden nie |