Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5273 diz dûhte si alle missetân.
        nû enbeiz der künec durch in vruo:
        dar nâch zôch man diu ros zuo.
        Êrec urloup dô nam,
        als sînen zühten wol gezam,
5278 von rittern und von vrouwen.
        dô mohte man êrste schouwen
        an ir aller gebâren
        daz si in dâ liep wâren,
        wan dô weinde wîp und man
5283 vor leide dô si schieden dan.
        den künec muote sêre,
        daz er niht wolde mêre
        in dem walde bestân:
        er vuor gegen Karadigân.
5288 nû reit der ritter Êrec
        als in bewîste der wec,
        er enweste selbe war:
        sîn muot stuont niuwan dar
        dâ er âventiure vunde.
5293 nû reit er dâ ze stunde
[ zurück ]