einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3198 als si vernomen hâten,dô einer sîne rede gesprach und der ander mite jach, do geloubten Rômære vil gerne disiu mære:3203 ze gote wâren si vil vrô. die alten herren wurden dô ze boten beide gesant in Equitâniam daz lant, daz si den guoten man3208 suochten und bræhten in dan. Nû bekumberte si daz: der stein dâ er ûfe saz der enwart in niht benant. mit zwîvel vuoren si in daz lant.3213 dâ gevorschten si genuoc, swar si ir wec truoc: nu enkunde in nieman gesagen. daz begunden si von herzen klagen dem der in beruochet3218 der gnâde an in suochet. |