einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1766 er sprach 'vüer ich verstolneze vüezen von hinnen, des müese ich wol gewinnen laster unde unêre: swenn ich von hinnen kêre,1771 daz bevindet allez diz lant.' sî sprach, und nam in bî der hant, 'deiswâr ichn heize iuch niender varn und wil iu gerne bewarn den lîp sô ich beste kan.1776 mîn her Îwein, nû gât dan dâ iuwer gewarheit bezzer sî.' und vuorte in nâhen dâ bî dâ im allez guot geschach. sî schuof im allen den gemach1781 des im zem lîbe nôt was: sî pflac sîn daz er wol genas. Dô er guot gemach gewan, dô gienc sî von im dan und tete daz durch allez guot:1786 vil starke ranc dar nâch ir muot |