Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2592 nû wârn sî doch ie iuwer spot
        den âne ir schulde misselanc.
        vielet ir sunder iuwern danc?
        michn triege danne mîn wân,
        ir habet ez gerne getân:
2597 ezn mohte iu anders niht geschehen.
        ir woldet niuwan gerne sehen
        welch vallen wære.
        ez ist doch lasterbære.'
         Er nam daz ors, dô erz gewan,
2602 und vuortez vür den künec dan.
        er sprach 'diz ors hân ich genomen:
        herre, heizet etewen komen
        von iuwerme gesinde,
        der sichs underwinde.
2607 ich enger niht iuwer habe,
        ichn gewinnes iu anders abe.'
        des gnâdet er im verre.
        er sprach 'wer sît ir, herre?'
        'ich bin ez Îwein.' 'nû durch got.'
2612 'herre, ich bin ez sunder spot.'
[ zurück ]