Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3436 nû wart der selben wîle
        diu juncvrouwe wider gesant,
        diu in noch slâfende vant.
         Diu vrouwe gebôt ir an daz leben,
        dô sî ir hâte gegeben
3441 die bühsen mit der salben,
        daz sî in allenthalben
        niht bestriche dâ mite.
        niuwan dâ er die nôt lite,
        dâ hiez sî sî strîchen an:
3446 sô entwiche diu suht dan,
        under wær zehant genesen.
        dâ mite es gnuoc möhte wesen,
        daz hiez sî an strîchen,
        und daz si ir nämelîchen
3451 bræhte wider daz ander teil:
        daz wære maneges mannes heil.
        ouch sante sî bî ir dan
        vrischiu kleider, seit von gran
        und cleiner lînwæte zwei,
3456 schuohe unde hosen von sei.