Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4158 daz ich der rede wære gereit
        als ich dâ hete gesprochen,
        daz ich in sehs wochen
        mich mit kampfe lôste.
        die zwêne der ich mich trôste,
4163 die reit ich suochen in diu lant,
        daz ich ir dewedern vant.
        dô suocht ich den künec Artûs,
        und envant dâ nieman ze hûs
        der sich ez wolde nemen an:
4168 sus schiet ich âne kempfen dan.
        des wart ich sô ze spotte hie
        daz ez mir an mîn herze gie.
        sus wurfen sî mich dâ her in,
        als ich des beitende bin
4173 daz sich mîn lîp sol enden:
        wan die mirz hulfen wenden,
        die sint mir nû vil ungereit.
        mir hulfe ûz dirre arbeit
        sweder ez weste von in zwein,
4178 her Gâwein ode her Îwein.'
[ zurück ]