einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein407 vehten unde ringenmit eislîchen dingen. dâ vâhten mit grimme mit griulîcher stimme wisente und ûrrinder.412 dô gehabt ich hinder, und rou mich daz ich dar was komen. und heten sî mîn war genomen, sone triut ich mich anders niht erwern, wan ich bat mich got genern.417 vil gerne wold ich von dan. do gesach ich sitzen einen man in almitten under in: daz getrôste mir den sin. dô ich aber im nâher kam422 und ich sîn rehte war genam, dô vorht ich in alsô sêre sam diu tier, ode mêre. sîn menneschlîch bilde was anders harte wilde:427 er was einem Môre gelîch, |