einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3977 den ie wîp mêr gewan,ez ensî daz ich in warne. ouch weiz ich daz ichz arne, zebriche ich aber sîn gebot. nû rât mir, herre, rîcher got! 3982 des enwart mir nie sô nôt. ich weiz wol, ez ist mîn tôt, wan er hât mirz nû zwir vertragen. waz aber von diu, wirde ich erslagen unde nimt er mir den lîp? 3987 dannoch lebet manec vrum wîp. ich enbin ouch niht sô klagelîch: sô ist er edel unde rîch, mîn lieber herre. ê im iht gewerre, 3992 sô wil ich kiesen den tôt." ir triuwe ir daz gebôt daz si ze sînem bette gie und bôt sich vür in an ir knie und sagete im die rede gar. 3997 von vorhten wart si missevar. |